Y CWMNI

Mae Creative Products (South Wales) Ltd yn cynhyrchu unedau cegin yn ôl mesuriadau unigol y cwsmer, gan ganolbwyntio ar y farchnad sylweddol o dai cymdeithasol.

EIN HYMWNEUD AG ADEILADU CYMRU/CONSTRUCT WALES

Mae Valleys to Coast ym Mhen-y-bont ar Ogwr yn gwsmer hirdymor i Creative Products drwy bartneriaeth gadwyn gyflenwi â Connaughts, yn ogystal â thrwy gytundeb cyflenwi uniongyrchol. Roedd Creative Products yn awyddus i gymryd rhan yn Adeiladu Cymru/Construct Wales er mwyn gwella ymhellach eu hawch cystadleuol drwy edrych ar effeithlonrwydd posibl yn y broses o gynhyrchu a thrwy leihau gwastraff.

BETH RYDYM WEDI LLWYDDO I`W WNEUD

Drwy Adeiladu Cymru/Construct Wales, ymgymerodd y cwmni â gwaith ar fapio prosesau yn barhaus ac ar lif prosiectau. Y nod oedd deall sut mae cydrannau yn symud o gwmpas y ffatri yn ystod cynhyrchu, a dod o hyd i fannau lle mae`n bosibl y gellir lleihau costau. Mae llunio cyfarwyddiadau i`r gweithlu ar gydosod yr unedau wedi arwain at fwy o hyblygrwydd ac at broses gydosod gyflymach a mwy effeithlon.

Yn ychwanegol at hyn, mae ymwneud ag Adeiladu Cymru/Construct Wales wedi helpu Creative Products i ddechrau defnyddio systemau mesur safon er mwyn monitro perfformiad mewnol a lefelau bodlonrwydd y cwsmer.

Creative Products yw’r cwmni cyntaf yn y prosiect i gyrraedd Lefel 2, Safon Amgylcheddol y Ddraig Werdd. Mae’r ymroddiad hwn i wella’r amgylchedd ac i ganolbwyntio ar well effeithlonrwydd wedi sbarduno gosod llosgydd coed yn y ffatri. Y canlyniad yw bod 90-95% o’r pren gwastraff a gynhyrchir yn y broses o gynhyrchu nawr yn cael ei ailgylchu, gan leihau’n sylweddol cost mynd â gwastraff oddi ymaith, yn ogystal â lleihau biliau gwresogi.