Mae peirianneg gwerth yn awr yn gymharol gyffredin o fewn y diwydiant adeiladwaith ond caiff yn aml ei gamddefnyddio yn unig fel ffordd o dorri costau. Mae torri costau heb ddadansoddiad cywir yn debygol o ostwng gwerth prosiect a pheidio rhoi’r hyn y maent eisiau i’r cleient a budd-ddeiliaid. Pan y’i gweithredir yn iawn, mewn dynesiad systematig, mae’n optimeiddio’r gost oes gyfan heb niweidio''r perfformiad ansawdd neu ddibynadwyedd y prosiect. Mae hefyd fuddion ehangach i beirianneg gwerth sy’n cynnwys:
• Eglurhad o’r brîff
• Gweithio tîm amlddisgyblaethol
• Dynodi risgiau
• Dynodi cynlluniau a datrysiadau eraill
Medrir defnyddio peirianneg gwerth ar bob cam o brosiect o’r cychwyn cyntaf, lle caiff anghenion cleientiaid a budd-ddeiliaid eu dynodi, drwy ddyluniad ac adolygiadau manwl o amgennau posibl i’r cam adeiladwaith lle datrysir materion safle.
Caiff pwysigrwydd peirianneg gwerth ei gydnabod gan fwyafrif cleientiaid, contractwyr ac aelodau tîm dylunio. Dywed Cyfarwyddyd Caffael Uned Ganolog Trysorlys EM: ‘Mae athroniaeth a thechnegau rheolaeth gwerth yn rhoi dynesiad strwythuredig at archwilio a datblygu prosiect a fydd yn cynyddu tebygrwydd cyflawni’r gofynion hyn fel y gwerth optimwm am arian.” Er mwyn cael y budd mwyaf o beirianneg gwerth, fodd bynnag, dylai’r broses fod yn strwythuredig ac archwiliadwy.
Fel arfer gwneir peirianneg gwerth drwy weithdai y medrir eu hwyluso’n fewnol neu’n allanol. Mae penodi hwyluswyr yn galw am ystyriaeth ofalus er mwyn sicrhau’r canlyniad a ddymunir. Bydd hwyluswyr mewnol yn gyfarwydd gyda’r prosiect ond efallai na fydd ganddynt gymaint o syniadau a ‘set newydd o lygaid’ allanol. Yn aml bydd strwythur y gweithdy a’r dewis hwylusydd yn dibynnu ar werth prosiect a’i lefel o risg i’r cleient. Yn y naill achos neu’r llall mae’n hanfodol fod gofynion allweddol y cleient a’r budd-ddeiliaid yn cael eu hamlinellu ac y cynhyrchir syniadau mewn amgylchedd ‘rhydd o feirniadaeth’.
