Y model traddodiadol o adeiladwaith yw prynu cynnyrch a reolir gan gontractau cyfreithiol. Mae hyn yn dynodi’r hyn y mae’r cleient ei angen ond yn rhoi ansicrwydd am sut y’i gweithredir. Caiff yr ansicrwydd hwn ei basio, yn ei dro, i gontractwyr ac isgontractwyr fel risg. Wrth i brosiectau ddod yn fwy cymhleth, daw’n galetach i gydlynu’r nifer fawr o is-gontractwr arbenigol a gall y broses ddod yn araf a drud ac mae angen integreiddiad a systemau heb fod yn hierarchaidd.

Mae cwmnïau adeiladwaith yn gynyddol ddibynnol ar y sefydliadau y maent yn cyflenwi iddynt ac sy’n cyflenwi iddynt hwythau, yn arbennig gontractwyr arweiniol. Mae llawer o’r cwmnïau hyn wedi sylweddoli y gwerir 60-80% o’u trosiant y tu allan i’w sefydliad eu hunain. Dangosodd astudiaethau y medrir cynyddu elw gan hyd at 10% drwy welliant 1% mewn gwerth a sicrhawyd drwy well prynu. Un dull o gyflawni hyn yw drwy well rheolaeth cadwyn gyflenwi.

Mae cadwyni cyflenwi adeiladwaith yn gyffredinol yn gymhleth ac yn draddodiadol wedi eu seilio ar dendro cystadleuol a’u sefydlu ar sail prosiect wrth brosiect. Mae Ailfeddwl Adeiladu yn pwysleisio y bydd integreiddio’r gadwyn gyflenwi yn cynyddu cynhyrchiant, gostwng amserau prosiect, cynyddu llif arian a darparu cyfleoedd am arloesedd. Mae Cyflymu Newid wedi gosod targed y dylai 50% o brosiectau adeiladwaith fod yn defnyddio cadwyni cyflenwi integredig erbyn 2007.

Mae darnio’r diwydiant wedi golygu y cafodd contractwyr a chyflenwyr bach a chanolig o fewn cynghreiriau partneru a strategol eu hanwybyddu i raddau helaeth. Gall cyfraniad y sefydliadau hyn i’r holl broses adeiladwaith gyfrif am gymaint â 90% o gyfanswm gwerth y prosiect. Er mwyn sicrhau gwell perfformiad mewn adeiladwaith y mae’n hollbwysig felly i gael gwell trefniadaeth ac mae rheoli cadwyn gyflenwi yn un dull o gyflawni hyn.

Caiff rheolaeth cadwyn gyflenwi a chynghreirio strategol ei ddefnyddio’n fwy eang, fodd bynnag caiff yn aml ei gamddefnyddio neu mae camsyniad ohono. Mae rhai’n credu nad yw’r trefniadau presennol ond yn ceisio cynyddu proffidioldeb y contractydd arweiniol ac mae hyn yn arwain at ddiffyg ymddiriedaeth rhwng partïon. Gwelir partneru fel un dull o fynd i’r afael â’r diffyg ymddiriedaeth hwn a dylai hefyd osgoi’r rhwystr sylweddol arall o dendro pris isaf.

I reolaeth cadwyn gyflenwi fod yn llwyddiannus, dylai fod perthynas gynyddol glos rhwng cwsmer a chyflenwr a ddylai arwain at:

• Datblygu perthynas tymor hir gyda chyflenwyr

• Mwy o ymgyfraniad ac ymgyfraniad cynharach gan gyflenwyr

• Datblygu cyd-ymddiriedaeth

• Ffurfio cymdeithasau cyflenwi

Mae angen ymrwymiad ar y lefel uchaf o reolaeth yn ogystal ag ar lefel safle ac i wneud i waith partneru cadwyn gyflenwi weithio. Cydnabyddir mai’r contractydd arweiniol yw’r allwedd i sefydlu diwylliant partneru a bod hyn yn gweithio orau lle mae’r cleient hefyd yn ymroddedig ac ymrwymedig.

Mae Adeiladu Cymru yn cydnabod y dylid sefydlu partneriaethau cadwyn gyflenwi yn ei ddymuniad i ehangu arfer gorau a rhyddhau elw newydd o fewn y diwydiant. Mae gan y rhaglen brofiad eang mewn adeiladwaith a sectorau eraill a all gynorthwyo wrth sefydlu a gweithredu partneriaethau cadwyn gyflenwi penodol.